⚠️長文慎入［ @thinktwicemo ] 將會暫停營運⚠️
.
今日哩個日子有啲特別，Thinktwice嘅衫出現左係馬介休嘅大螢幕上面，可能你會覺得既然上到大平台點解無啦啦講唔做咁奇怪？我而家就話你知點解。
Thinktwice 係一個由我創立的服裝品牌，同時我都當佢係我個仔一樣。雖然唔係啲咩重要野，但想係度大家講聲我嚟緊將會暫時暫停去經營佢，同埋作出哩個決定嘅原因。
.
2016年我受Kanye嘅Yeezy同一眾品牌嘅影響下膽粗粗創立左佢，當時嘅諗法就係覺得澳門需要有一個自己嘅品牌，而又可以行得更遠，可能係國際性，唔只係做澳門嘅市場。而係調返轉頭做到國外都有人知而令到佢地更關注澳門嘅品牌同埋令澳門人更支持本地創作同埋係買衫之前可以多啲了解品牌背後嘅故事而唔係純粹因為有啲明星著過覺得型就買，至少係要自己真係中意同埋適合自己，正如品牌名所講，三思而後行。
.
過去3年品牌做過類似selected store，賣人地嘅品牌到出自己嘅collection。當中有好多人幫過我支持過我，想係度再次多謝大家，雖然我唔係咁成功，甚至而家要暫停運作，但冇左你地我未必做到今日。
.
暫停經歷嘅主要原因係因為我實在冇辦法抽身去管理所有事，咁耐以來基本上由設計，生產，宣傳，拍攝，零售都係由我一個人打理。途中試過搵人幫手，但始終都係未可能好似理想中咁上軌道，對曾經幫過我嘅KengU，Derek，Dee，Justin，Yan，Utatin，Lala同Austin...仲有好多好多人（一時醒唔起）講聲多謝thank you！然而我哩幾年開始越嚟越多身份，由一開始嘅樂隊鼓手，學生，到而家嘅品牌主理人，兼職，Youtuber...可能可以繼續數，我發現我實在冇可能一個人做到咁多樣野。
我一直以來都想努力做好每一件事，工作又好功課又好拍片夾band都好，所有事我都想做到100分甚至更多。我基本上有機會嘅話都唔會放棄，就算每一日忙到死都好我都唔會say no，因為我覺得就係要咁先會成功。然而由中學畢業後，哩個情況越嚟越明顯，對我嘅影響都越嚟越嚴重，我終於覺得原來咁會好攰，會頂唔順，原本分開慢慢做嘅事可以做好但我全部迫埋一齊就做到好差。
.
曾經有人問我點解專心做好一樣野，全心去打鼓？我戈陣都答唔到佢，都答唔到自己，而家諗返可能就係一份熱誠掛。當初定下要做一世嘅目標，而家見到身邊有越來越多人都開始做緊，令我覺得，而家唔止係我一個人做緊，係時候要將佢放埋一邊，專心做好一件事先，等我讀多幾年書吸收更多知識同資金再做都未遲。我唔想自己將所有野都寄託係自己身上比壓力自己，都唔想令到品牌一時做下一時又唔做冇一個正確嘅定位，重要令到自己咁辛苦，所以我決定暫停經歷，到我學成歸來嘅時候再複桌！
.
再次多謝大家咁多年嚟嘅支持，無論係買我嘅衫又好，幫我宣傳，拍攝，甚至比建議我都好，感謝大家關注哩個品牌，關注我用心去做嘅事。
睇到哩度嘅你我想講你真係好無聊咁都睇得晒！Sorry for up到 1999，有咩唔明唔好介紹我講野係咁。
如無意外，接下來會更專注係拍攝我打鼓嘅片上，雖然品牌暫停營運但大家有哩方法嘅問題都可以問我，由其係想sponsor我嘅一定要問我！🖤
.
希望大家都可以搵到自己中意做嘅野，但記得唔好好似我咁有太多野想做，咁就會做唔晒同做得唔好！😂😂😂
.
最後大家記得去睇 @leongchilong 同 @wachon115 今日係 @bacalhau.ent 出嘅第一個mv，特登搵左香港同外國嘅設計師設計，雖然唔會量產但大家中意嘅話不妨同我講，多人中意嘅話可能都會印幾件玩下嘅。🤪
See you later! 🧠2️⃣
.
廢up終於一身鬆晒，算係比返個交代同幫自己做左個決定，終於可以去繼續做廢青！🥺🖤
.
@thinktwicemo
.
#Macau #Macao #Streetwear #Clothingbrand #Thinktwice #Thinktwicemo #JasonLoi #2016to2020 #SeeYouLater @ Macao, China
Search